سەنتەرێ ڤەکولینێن زانستی ل کولیژا زانست ب سەرکەفتیانە خولەکا راهێنانی یا سیێ روژی بناڤێ (تەکنەلوژیا DNA  یا گشتی) ئەنجام دا ل رێکەفتی (١٣-١٥) مەها ١ سالا ٢٠٢٥. ئەڤ چالاکییە هاتە دەسپێکرن ب ئامادەبوونا هێژا راگرێ کولیژا زانست و سەروک پشکا سەنتەرێ ڤەکولینێن زانستی.

مەرەما سەرەکی ژ ئەڤێ خوڵا ڕاهێنانی لێکۆلینا بنەرەتی بوو بو تیگەهین سەرەکی و بکارئینانا پراکتیکی یا تەکنەلوژیا DNA . هەژی گوتنێ قوتابیێن خویندنا بلند یێن ماستەر ودکتۆرایی و ڤەکولەرین ب تایبەتمەندین جودا بەشداریکریە  د ڤێ ژینگەها فێربوونێ، تۆرکرنێ و هەڤکاریێ.    

خوڵا راهێنانێ زنجیرەیەک ژ تەوەرین تیۆری پێشکێش کریە کو هاتینە بەرهەڤکرن وئامادەکرن ژ لایێ ستافێ سەنتەرێ ڤەکولینێن زانستی (SRC) ڤە، کو بابەت جودا  ب خوڤە گرتینە  وەک ل خوارێ هاتینە دیارکرن:

- پێکهاتە و کارێ DNA 

- تەکنیکێن پێشکەفتی بو دەرهێنان و شڵوڤەکرنا DNA 

- بکارئینانا تەکنەلۆژیا DNA ل بوارێن هەمەرەنگ وەکی پزیشکی و مایکرۆبایۆلۆجی و کشتوکاڵێدا

زێدەباری وان وانێن تیۆری، خویندکار و ڤەکولەر بەشداربوون د چەندین خولێن پراکتیکی ئانکۆ راهینان و ئەنجام دانا دەرهێنانا DNA وپروسێسا کاردانانا زنجیرا پۆلیمێراز (PCR) ب دەستێن خو وهەروەسا شلوڤەکرنا داتایا بخوڤەگرتبوو. 

ئەڤان راهێنانا دەلیڤە بو ئامادەبووان پەیدا کر کۆ ئەزموونا پراکتیکی یا بنرخ بدەستڤەبینن، ئەڤەژی دبیتە ئاسانکارییەک بو پتر تێگەهشتنێ و پێگڤە گرێدانا وانێن تیۆری ئەوێن هاتینە گوتن د ماوێ خولێ دا ژ لایەکی ڤە وراهێنانا پراکتیکی ژلایەکی دیڤە.    

ئەڤ چالاکییا سەرکەفتی جەخت ل سەر پابەندبوونا کولیژا زانست و سەنتەرێ ڤەکولینێن زانستی ل زانکۆیا دهوکێ دکەت بو پێشخستنا خویندن و ڤەکولینێن زانستی ل زانکویێ بتایبەتی و ل ناوچێ بگشتی.