ئەڤرو، د ڕۆژا ئێکێ یا گەشتێن زانستی یێن مەیدانی دا، شاندەکێ ئەکادیمی ژ فاکەڵتییا جیۆلۆجی یا زانکۆیا تەکنیکی یا VŠB ئۆسترافا، کۆماری چيك، سەردانا چەندین جهێن گرنگ یێن جیۆلۆجی ل ناڤچەیا دهۆکێ کر.
ئەڤرو، د ڕۆژا ئێکێ یا گەشتێن زانستی یێن مەیدانی دا، شاندەکێ ئەکادیمی ژ فاکەڵتییا جیۆلۆجی یا زانکۆیا تەکنیکی یا VŠB ئۆسترافا، کۆماری چيك، سەردانا چەندین جهێن گرنگ یێن جیۆلۆجی ل ناڤچەیا دهۆکێ کر.
ئەڤ گەشتە ل ژێر چاڤدێرییا ڕێزدار د. محەمەد عەزیز، ڕاگری کۆلێژا زانست، و د. زاهد عومەر مستەفا، سەرۆکێ پشکا زەویناسی، و ب هەماهەنگی و سەرپەرشتییا د. عەبدولڕەحمان بامەرنی، ب بەشدارییا د. ممتاز محەمەد حەسەن، مامۆستا ئاشتی تاهر محەمەد و مامۆستا زیاد دانیال زیا هاتە ئەنجامدان.
دڤێ گەشتێ دا، ئەندامێن شاندێ زانکۆیی ب شێوەیەکێ پراکتیکی ناسیا تایبەتمەندییێن جیۆلۆجی، چینەواریا تەشتەکانی و جۆرێن بەردان یێن ناڤچەیێ بوون. هەروەسا، گەشتەکە دەرفەتەک باش بوو بۆ ئاڵوگۆڕکرنا زانیارییێن زانستی و ئەزموونێن مەیدانی دناڤبەرا مامۆستایێن هەردوو زانکۆیان دا.
ئەڤ چالاکییا زانستی دچیتە چوارچۆڤەیا هەماهەنگیا ئەکادیمی یا ناڤنەتەوەیی دناڤبەرا زانکۆیا دهۆکێ و زانکۆیا تەکنیکی یا VŠB ئۆسترافا دا، ل ژێر چەترێ پرۆگرامێ Erasmus+، ب مەبەستا پێشخستنا لێکۆلینێن زانستی، بەهێزکرنا شیانێن پراکتیکی یێن قوتابیان و مامۆستایان، و دامەزراندنا بنەمایەکێ بەهێز بۆ پڕۆژەیێن هاوبەش یێن داهاتووی.
سپاس و پێزانینێن خۆ پێشکێش دکەین بۆ ڕێزدار ڕاگری کۆلێژا زانست و سەرۆکێ پشکا زەویناسی، ژبەر پشتیوانی و هاندانا وان بۆ ئەنجامدانا ڤان چالاکییێن زانستی و بەهێزکرنا هەماهەنگیا ئەکادیمی یا ناڤنەتەوەیی.
هیڤییا مە ئەوە کو ئەڤ جۆرە چالاکییێن زانستی ببنە دەرفەتەکێ گرنگ بۆ پێشخستنا لێکۆلینێن جیۆلۆجی و بەهێزکرنا پەیوەندییێن ئەکادیمی دناڤبەرا هەردوو زانکۆیان دا.