شاندەکێ زانکۆیا تەکنیکی یا ئۆسترافا سەردانا زانکۆیا دهۆکێ دکەت.

ئەڤرو روژا دووشەمبێ ریکەفتی ٢٠٢٦/١٠/١٣ راگریا کولێژا زانست و پشکا جیۆلۆجی پێشوازی ل شاندەکێ ژ فاکەلتییا جیۆلۆجی لە زانکۆیا تەکنیکی VŠB یا ئۆسترافا، کۆماری چێک کر، وەک بەشەکێ لە هەماهەنگیا ئەکادیمی یا بەردەوام د ناڤبەرا هەردوو زانکۆیان دا ل ژێر لێکتیگەهشتنا (MoU) یا واژووکری و ب پالپشتیا دارایی یا پرۆگرامێ ئیراسموس پلاس EM+ یێ وەلاتیین ئەوروپی.

دەمێ سەردانێ دا، هەردوو لایەنان گفتوگۆ کر و لێکگەرین کر لسەر دەرفەتێن سەرەدان و پێگەهاندن و راهینانا قوتابی و کارمەندێن ئەکادیمی ب تایبەت بۆ قوتابیێن سالا چوارێ لە پشکا جیۆلۆجی، کۆلێژا زانست، ژ بۆ ئەنجامدانا راهینان و پڕۆژەیێن دەرچوونێ لە زانکۆیا تەکنیکی یا VŠB یا ئۆسترافا.

ئارمانجا سەرەکی یا ڤێ دەستپێشخەریێ بەرەپێدانا شیانێن پراکتیکی و ئەزموونا لێکۆلینێ یا قوتابیان بەهێزتر بکەت ن ڕێکا ئاڵوگۆڕیا ئەکادیمی یا ناڤنەتەوەیی.

زێدەبارى ڤێ چەندێ، ئەندامین شاندێ چیکی ب هەماهەنگی دگەل ستافێ مە دێ رابن ب کومەکا گەشتێن زانستیی یێن مەیدانی بۆ جهێن جیاواز لە پارێزگەها دهۆکێ بۆ خرڤەکرنا پێزانینان بو ئەنجامدانا ڤەکولینێن هاوبەش و بەهێزکرنا هەفکاریا زانستی و دامەزراندنا پەیوەندییێن ئەکادیمی یێن بەهێزتر لە ناڤبەرا هەردوو دام و دەزگەهان.

هەروسا گەنگەشە هاتە کرن لسەر ئامەدەکارین ژێگرتن و شاندنا قوتابی و ستافێ کۆلێژا مە بو وەلاتێ چیک