پەقین، کەف و رەنگ: کیمیا ب گیان دکەڤیت
کولیژا زانست و پشکا کیمیا کەیفخۆشن کو وە ڤەخوینین بۆ ووركشۆپەکا چالاک ب ناڤونیشانێ "پەقین، کەف و رەنگ: کیمیا ب گیان دکەڤیت".
ئەڤ ووركشۆپە هاتیە دیزاینکرن داکو تێگەهێن کیمیا یێن ئاڵۆز ب شێوازەکێ ب ساناهی بهێنە تێگەهشتن ب رێیا ئەنجامدانا تاقیکرنێن پراکتیکی و سەرنجراکێش. ب رێیا پشکداریکرنا چالاک د کارلێکێن ب سەلامەت دا، پشکدار دێ شیانێن زانخوازی و هزکرنا رەخنەگرانە ل دەڤ خۆ پێشێخن. ئارمانجا مە ئەوە کو فێربوونا ب رێیا ئەزموونێ ب هێز بکەین، و کیمیایێ بکەینە بابەتەکێ خۆش و ژبیرنەکری و گرێدای ب ژیانا واقعی ڤە.
ناڤەرۆکا چالاکیێ:
- رێکەفت: ١٢ێ شوباتێ (سیبات) ٢٠٢٦
- دەم: ١٠:٠٠ێ سپێدێ
- جهـ: پشکا کیمیا، کولیژا زانست
- لیژنا ئامادەکار: هێژا ا. عادل، سهەند عبدالله، ئارارات غەفار
ئارمانجێن ووركشۆپێ:
- داکو کیمیا ببیتە بابەتەکێ سەرنجراکێش و هەمی کەس بشێن تێبگەهن.
- دیتن و شێرۆڤەکرنا کارلێکێن کیمیایی ئەوێن دبنە ئەگەرێ پەیدابوونا گاز، گوهۆرینا رەنگی، و وزێ.
- هاندانا قوتابیێن قوناغا ئێکێ بۆ هزکرنا رەخنەگرانە و ئافرێنەرانە، و هاندانا وان بۆ پێشێخستنا هزرێن نوی و شارەزایێن تاقیکرنێ و حەزا ڤەکۆلینێن زانستی ل پاشەڕۆژێ.
- کارێ هەڤپشک بۆ ئەنجامدانا تاقیکرنان و پارڤەکرنا تێبینیان.