دەربارەی پشکێ

پشکا ماتماتیکێ (بیرکاری) ل سالا 1997ێ وەک پشکەک ل کۆلیژا زانست ل زانکۆیا دهۆک هاتە دامەزراندن. پشک بزاڤێ دکەت پەروەردەیەکا پیشەیی یا کوالیتی بلند د ماتماتیکێ دا دابین بکەت و ڤەکۆلینێن کوالیتی د ماتماتیکا پەتی و بجهکری دا ئەنجام بدەت. پشک بەردەوامە ل سەر پێشخستنا پرۆگرامێن ڤەکۆلین و پەروەردێ د بوارێن سەرەکی یێن بجهکرنا ماتماتیکێ دا. بوارێن مە یێن سەرەکی ئەڤن: هەڤکێشەیێن جوداکار (Differential equations)، تیۆرییا گرافان، شیکارکرنا ئالۆز، شیکارکرنا ژمارەیی، تۆپۆلۆژیا گشتی، ئامارا ماتماتیکی، شیکارکرنا ماتماتیکی، جەبرا ئەبستراکت (Abstract Algebra) و ئۆپتیمایزەیشن (Optimization). هەروەسا پشک وانەیێن ماتماتیکێ بۆ قوتابیێن پشکێن دی یێن زانکۆیێ ژی دابین دکەت.

ئارمانج

پشک خودان پەیامەکا ب هێزە بۆ دابینکرنا پەروەردەیەکا پیشەیی یا کوالیتی بلند د ماتماتیکێ دا بۆ قوتابیان و ئەنجامدانا ڤەکۆلینێن پلە ئێک د ماتماتیکا پەتی و بجهکری دا. هەروەسا وانەیان پێشکێشی قوتابیێن پشک و کۆلیژێن دی دکەت. پەیاما پشکا ماتماتیکێ ئەوە کو دەلیڤەیا گەهشتنا بەردەوام یا جڤاکی بۆ پرۆگرامەکێ دینامیکی دابین بکەت کو جەختێ ل سەر چەمکێن ماتماتیکی، پەیوەندیکرن و بجهکرنان دکەت ب رێکا پابەندبوون ب رێکێن دروست یێن فێرکرنێ. د جڤاکەکێ پشتبەست ل سەر ماتماتیکێ دا، پشک دێ بزاڤێ کەت پێشبینی و دابینکرنا پێدڤیێن گوهۆڕاو یێن قوتابی، کۆلیژ، زانکۆ و جڤاکێ مە بکەت. هەتا نوکە، مە نێزیکی 700 قوتابیێن بەکالۆریۆسێ پێگەهاندینە. ماوێ خواندنێ ل پشکا ماتماتیکێ چوار سالێن ئەکادیمی نە و دەرچووی دێ باوەرناما بەکالۆریۆس د زانستێن ماتماتیکێ دا وەرگرن. ل ڤی دەمی نێزیکی 300 قوتابیێن خواندنا بەرایی ل پشکا ماتماتیکێ د ناڤ خواندنێ دانە. هەروەسا پشکا ماتماتیکێ پرۆگرامێن خواندنا بالا (ماستەر و دکتۆرا) د چەندین تایبەتمەندیێن جودا دا پێشکێش دکەت.