دیتن

پشکا جیۆلۆجی ل زانکۆیا دهۆک نوێنەرایەتییا دامەزراوەیەکا فێرکرن و ڤەکۆلینێن جودا جودا دکەت ل هەرێما کوردستانێ. پشک دخوازیت و بزاڤێ دکەت بلندترین ئاستێن فێرکرنێ دابین بکەت ب رێکا پێداچوون و پێشخستنا بەردەوام یا پرۆگرامێن خواندن و ڤەکۆلینێ ل دویڤ پێدڤیێن کەرتێ ئەکادیمی و کەرتێن گشتی و تایبەت ل هەرێمێ. ئەڤ چەندە ب رێکا پێگەهاندنا جیۆلۆجیێن ئەکادیمی و پیشەیی یێن خودان شیان دهێتە بجهئینان کو بشێن سەرەدەریێ دگەل پێدڤیێن پیشەسازی، ئابووری و جڤاکی بکەن.

پشکا جیۆلۆجی دخوازیت ل سەر ئاستێ نشتیمانی بهێتە ناسین ب رێکا پرۆگرامێن خواندن و ڤەکۆلینێ د هەمی بوارێن زانستێن ئەردی دا. ئەڤە ژی ب رێکا ئاڤاکرنا پرا پەیوەندیێ د ناڤبەرا پشکێ و کەرتێن دی یێن گشتی و تایبەت دا دهێتە کرن یێن کو جیۆلۆجیێ وەک پشکەک ژ خزمەتگۆزاریێن خۆ ب کار دئینن. لەوما، ئەم بزاڤێ دکەین جڤاکێ خۆ هان بدەین ب رێکا بەلاڤکرنا زانستێ جیۆلۆجی بۆ تێگەهشتنەکا باشتر ژ جیهانێ د دەمێ بووری، نوکە و پاشەرۆژێ دا.

پەیام

پشکا جیۆلۆجی یا تەرخانکرییە بۆ دابینکرنا پرۆگرامەکێ خواندنێ یێ نایاب د جیۆلۆجیێ دا ل دویڤ ستانداردێن نشتیمانی و نێودەوڵەتی. ئارمانجا سەرەکی یا پشکێ هاندانا مامۆستا و قوتابیانە بۆ پێشخستنا ئارەزوویێن وان یێن فێربوونێ و هزرکرنا رەخنەگرانە بۆ ئاڤاکرنا ژینگەکا فێربوونێ کو قوتابی بنەما بیت؛ ب تایبەتی د گۆتنا کۆمەکا بەرفرەهـ ژ وانەیێن جیۆلۆجی دا. هەروەسا هاندانا وان دکەت کا دێ چەوا داتایێن مێیدانی و تاقیگەهێ کۆم کەن و ب کار ئینن بۆ سەرەدەریێ دگەل بوارێن ئەکادیمی و پیشەسازی و پێدڤیێن جڤاکی.

ئارمانج

ئارمانجێن سەرەکی یێن پشکا جیۆلۆجی ئەڤن:

• دابینکرنا پێدڤیێن وەک هۆلێن خواندنێ و تاقیگەهان بۆ قوتابیان دا کو کارێن خۆ ل دویڤ ستانداردێن نێودەوڵەتی ئەنجام بدەن.
• ئامادەکرنا کادر و قوتابیان ب رێکا خۆلێن وانەگۆتن و راهێنانێن پیشەیی بۆ دابینکرنا پێدڤیێن حکومەت و کۆمپانیا و پیشەسازیێ.
• پێشخستنا ئاستێ هشیاریێ ل دەف خەلکی دەربارەی زانستێن ئەردی ب رێکا پرۆگرامێن گەهاندنێ.
• فێرکرنا قوتابیان بۆ بدەستڤەئینانا زانستەکێ پتر د بوارێن ئارەزوویا وان دا ب رێکا خۆلێن راهێنانێ و وۆرکشۆپان ب هەماهنگی دگەل زانکۆیێن ناڤخۆیی و نێودەوڵەتی و کەرتێن پیشەسازی.
• ب هێزکرنا پەیوەندیان دگەل کەرتێن حکومی و تایبەت یێن نشتیمانی ب رێکا ڤەکۆلینێن هەڤپشک، راهێنان، خۆل و راوێژکاریان.

ڤەکۆلینێن مەیدانی

پرۆگرامێن پشکێ ب رێکا جەختکرن ل سەر بجهئینانێن سەردەم یێن چەمک و کارامەیی و داهێنانێ د زانستێن جیۆلۆجییا بجهکری و جیۆلۆجییا نەفتێ دا هاتینە دارشتن. یا ئێکێ ڤەکۆلینێن رێکێن جیۆفیزیکی، جیۆلۆجییا ئابووری و پیشەسازی، جیۆلۆجییا ژینگەیی و هایدرۆجیۆلۆجیێ (زانستێ ئاڤا بن ئەردی) ب خۆڤە دگریت.