دیتنا پشکێ

پشکا زانستێن کۆمپیوتەری ل زانکۆیا دهۆک ل سالا ١٩٩٩ هاتیە دامەزراندن وەکو پشکەکا خواندنێ بۆ پێشکێشکرنا خواندنەکا ب کوالێتی د بوارێ زانستێن کۆمپیوتەری دا. هاتیە دروستکرن بۆ پێدانا تێگەهشتنا بنەرەتی و شیانێن پراکتیکی ب قوتابیان کو پێدڤی نە بۆ سەرکردەيێن پاشەرۆژێ د بوارێ کۆمپیوتەری و پیشەیێن پەیوەندیدار دا. قوتابی دێ شارەزاییەکا باش د سیستەمێ کۆمپیوتەری، دیزاینکرنا سۆفتوێر (بەرنامەیان)، و ئەپلیکەيشنێن کۆمپیوتەری دا پەیدا کەن د دەمێ خواندنا خۆ دا. هەروەسا دێ شیانێن پراکتیکی د چارەسەرکرنا ئاریشەیان و دیزاینکرنا بەرنامەیان دا ب دەست ڤە ئینن.

پشک باوەرنامەیێن بەکالۆریۆس، ماستەر، و دکتۆرایێ پێشکێش دکەت. پڕانییا بابەتێن د ناڤ کۆرسان دا گرێدایی کارێ پراکتیکی نە د تاقیگەهێن باش-بەرهەڤکری دا. هەروەسا پشک پشکدارە د چالاکييێن ڤەکۆلینێ یێن جودا جودا دا وەکو فێربوونا ئامیرەی (مەشین لێرنینگ)، زانستێ داتایێ، راستییا نویخاز (ڤێرچوال ریالتی)، داتابەیس، نێتۆرک (تۆڕ)، پرۆسێسکرنا وێنە و سیگنالان، و ناسکرنا شێوەیان.